One more week

Coucou

Am Friti hani mi letscht Tag ar Uni gha i däm Quarter. Muess nur no 1 take home final mache und denn bini fertig und ha 1 Wuche Ferie hie. Gaaanz viu Zit für z Tennis spiele, z trainiere, chli go lädälä, und TV luege (ha sit am Mittwuch TV i mim Zimmer - jaaaa). Dä Fernseh isch sooo aut, ha no nie so nä autä Fernseh gseh, aber er funktioniert und drum passts :-) I fröiä mi uf di letschti Wuche hie. Wot die nützä um wieder komplet fit z wärdä :-) U när, när isch es so wit: I stigä is Flugi und chume hei. Dir chöit öich gar nid vorsteuä wini mi fröiä wieder hei z cho. Bi für 3 Wuche dehei und i wirdes so fescht gniesse wini cha bevori när wieder nach Cheney zrüg ga. Ok mini liebe, machets guet und bis ganz ganz baud

öii Sarah

2 pictures

Hoi zämä

I weiss o nid wieso dassi die 2 Fotis uf mi Blog steuä, aber irgendwie hani si no gärn. Z eintä isch vom Strand. Mir si fasch ei ganzä Tag am Strand gsi und i muss sägä i has sehr gnossä. I ha sooo Fröid gha wieder mau am Strand chönnä z sii ... Baarfuess im Sand ... im Wasser loufä ... ooo I cha öich gar nid sägä wi Fröid ig ha gha das chönnä z mache - i liebes eifach :-)

Z Wasser isch zwar rächt chaut gsi, aber das het überhoupt nüt usgmacht (aso ja, mir ämu nid - ar Daniela scho, sie het nid so Fröid gha im Wasser umezloufä und isch immer furt grennt wenn z Wasser id Nöchi isch cho).

Z zwöitä Foti isch vor em Raathuus in San Francisco. S isch Morge gsi und mir hei gfunge mir mache jez wieder mau ä Fotosession - das voremne Busch ;-) Das Foti hani o rächt gärn, es erinneret mi a üsi super Fotosession ...

à bientôt

öii Sarah

Even before San Francisco

Ha öich ganz vergässä vo mim weekend in Seattle z verzeuä. Mir si mit m Tennis Team nach Seattle anes Turnier gflogä. Isch u ne cooli Erfahrig gsi; I bi doch no nie irgendwo härä gflogä "nur" für ds Tennis spiele. Bi ganz "excited" gsi und has chuum chönnä abwarte. Bi nid enttüüscht worde, es isch geniau gsi. D Flug isch ganz churz gsi aber trotzdem super gsi mit dr ganze Mannschaft und üsne zwö coaches z reisä. I ha mi scho sehr uf ds Turnier gfröit gha und natürlich o für d Stadt chli azluege. Z Turnier isch (nach däm aui nid so guet hei gspiut und aui am erstä Tag hei verlorä gha) ganz akzeptabu gsi. Mir hei wie immer sehr vieli Matchä gha und todmüed am Abe ids Bett gange. Das isch ds ganze WE so gange und leider hei mir überhoupt ke Zit gha zum d Stadt aluege. Ds bestä isch gsi: I bi di letschti gsi wo no ä Match het müsse spiele und i bi irgendwie 2/6 0/5 und 0/30 im Game hinger gsi. I ha ganz schlächt gspielt gha und i ha o ke Lust me gha; bi u müed gsi und ha nur no hei wöuä ga. Aber denn het mi dr Coach nomau versuecht z motiviere und i ha mir dänkt: Ok chum, eis einzigs Mau versuechsch jez no guet z spiele und ufzhole, wes nid funktioniert denn voilà quoi, denn hesch es wenigstens probiert. Und siehe da, es het klappet. Ha plötzlich afa guet spiele und s het afa Spass mache :-) Isch ä rächtä fight gsi, aber nach s paar Stung umerennä hani schlussendlich gwunne! Ha u Fröid gha :-) Wasi no nid ha gwüsst: Ha nur 50 Min Zit gha vom Platz z rennä, z stretchä und churz go z dusche bevor mir hei müsse zum Flughafä ga. I bi grad chli gschockt gsi, dassi sooo lang ha gspiut und dass es tatsächlich scho so spät isch gsi. Ha mi scho dr ganz Tag uf nä längi warmi Duschi gfröit, aber es isch leider nüt drus worde. Naja. Es isch de doch nid so schlimm gsi, da ig ja mi Match ha gwunne gha :-) Das het mi motiviert! Jaja ... so viu zum Tennis.

Mir si imnä Hotel gsi - poa. U nes tüürs Hotel und vor auem mega schön. Mir si jewiils z zwöit im Zimmer gsi und mir hei sooo grossi Bett gha. I ha ja dehei o nes grosses Bett - vo däm här nüt speziells - aber sit i hie ir USA bi, hani nur es mega chliises Bett und drum hani mi u gfröit so nes riesä Bett z ha wieder mau. Isch würklich grad rächtä Luxus gsi i däm Hotel. S hätt o nes Pool gha zum go badä (leider ke Zit gha für söttigä Spass) und z zmorgä isch o u guet gsi für Amerikanischi Verhäutnis. Mir hei e gueti Zit gha in Seattle, isch würklich cool gsi :-)

So ihr liebä, i muss jez mau go schlafe. Morn steit ä wichtigi Prüefig a und i muess fit si, demit i si cha bestah. Machets guet und bis gli

öii Sarah

PS: dir wüsset nid was mit hüt passiert isch: Bi lang ir Bibliothek gsi und ha für mini Prüefig glernt und woni ha wöuä ids Zimmer zrügg loufä hets mega fescht grägnet (mir hei scho ca. 10cm Schnee und denn hets vou i Schnee inägrägnet - äää). Da's dunku isch gsi hani nid viu gseh und mini Gedanke si o überhoupt nid bim loufä gsi, sondern bi derä Prüefig vo morn. Ha auso überhoupt nid ufpasst woni härä loufä und buuuum - d Sarah louft miz inä riiiesä Glunggä inä. Nid nur mit eim Fuess, nei, grad mit beidnä natürlich - d Schue und d Sockä PFLOTSCHNASS ... hmm ... hehe ...

San Francisco

Hey ihr liebä

Letscht Wuchä (vom 21.11.-26.11.) bini in San Francisco gsi mit ere Kollegin vo hie. Hei i sägä öich, SFO isch sooo nä schöni Stadt - ungloublich. Mir heis u guet gha während denä paar Täg und hei u viu chönnä aluege:

• D Golden Gate Brigde - i sägä nume: WOW
  Dr Golden Gate Park - u schön
  Alcatraz (es ehemaligs Gfängnis) - u krass gsi das azluege
  Coit Tower
  Union Square
  Alamo Square - döt si di berüemte Victorian Houses/ Postcard row
  Fisherman's Warf
  Cliffhouse - diräkt am Meer, so schön
  Transamerica Pyramid
  ...

Jaja, sogar mit de Cable Cars si mir umegfahre :-) I chönnti jez sooo viu über San Francisco schriebe, aber i versueche mi churz z haute - versproche.

Mir si imnä Hostel gsi und döt innä hets mega komisch gschmöckt und es isch u aut gsi. Mir hei scho dänkt, wow wo si mir de da glandet. Aber es isch cool gsi und d Lüt im Hostel si u fründlich gsi. Mir si es paar Mau am Abe id Chuchi gange - döt si immer viele Gäst vom Hostel und d Bsitzer ghocket und hei gmüetlich es paar Bierli trunke. Mir hei üs dezue gsetzt und heis u lustig gha mit denä. A eim Abe si mir när mit ihnä chli go festä ines Pub. Das wär eigentlich mega längwilig gsi und di angere Lüt si rächt schreegi Vögu gsi, aber mir heis gliich mega lustig gha (nach nes paar Bier). Eh ja, am 2i hei si zue gmacht und mir hei müesse ga. Niemer het wöuä go schlafe, auso si mir haut wieder id Chuchi gange und hei üsi chliini Party witergfüert. Je später dass es isch worde, desto me hei aui afa spinnä und plötzlich hei aui agfange ufem Tisch afa z tanze ... hehe ... Isch würklich mega lustig gsi und i bi schlussendlich ersch am 6i ids Bett cho. Da mir ja eigentlich z SFO o chi öpis vor Stadt hei wöuä gseh (lol) si mir haut scho am 9i wieder ufgstange. Resp. mir hei denn wöuä ufstah, I has aber leider nid usem Bett gschafft bis am 10ni.

Das isch di einti Nacht gsi. D Nacht vorher si d Daniela und ig ine Club gange. Zersch hei mir ca. 30 Min dussä irä längä Schlange müsse aastah, ersch när hei mir inä chönnä ga. I bi mir irgendwie vor cho wie im Fium ;-) Ja, när si mir dinnä gsi und es isch rächt abgange. D Musig isch meistens cool gsi und mir hei gar nüme wöuä ufhörä tanzä (gloubet dir das?! - I has säuber fasch nid gloubt hehe). Irgendwenn hei si när ä sonä Kontest veranstautet. 3 girls u 3 guys hei ar Stangä tanzet - nid würklich guet muess mä dezue sägä. D Lüt si mega fies gsi, sie hei si voll uspfiffä ;-) oops ... Eh ja, uf jedä Fau isch es o mega lustig gsi und mir si o wieder nid vor de 5ä ids Bett cho wüu mir no ir Chuchi hei verbii gluegt wo mir hei si cho am 4i. Mir si gar nid mau sooo müed gsi nach nes paar Kafis am Morge :-) hehe Dir gseht, mir heis würklich lustig gha.

O während em Tag hei mir sooo viu erläbt. Unter angerem die schlimmsti Busfahrt ever. Das verzeui jez aber lieber nid, isch würklich ä Katastrophä, das weit dir gar nid ghörä. Süsch isch aus super gsi; d Lüt si u fründlich und hiufsbereit in SFO (so wie di meistä Amis). Chunnt doch eifach einä zu üs härä wo mir am Chartä studiere si gsi und fragt öb mir Hiuf bruuchä bim luege wo mir si. Es het sich usegsteut, dass er ä Busfahrer isch und grad Pousä het ei Stung. Dä Typ isch när mit üs mit cho und het üs bis döt härä begleitet wo mir hei härä wöuä. Isch no nätt gsi hei mir gfunge, denn so hei mir üs nid verloffä ;-) lol.

So, gnue gret jez ;-) hehe. Viu Spass bim Fotis aluege und bis gli
öii Sarah

soooo excited to come back home and see you again :-)

Gaaaaanz ganz baud isch es so wit

Jaaaaaaaaaaaaaa ... nur no genau 14 Täg und denn isch es so wit: I chume wieder hei :-) I fröie mi wahnsinnig und zeuä mittlerwilä scho Täg. I am soooo excited to come back home and see all of you again!

Scho ganz baud chani öich aui wieder gseh und umarmä - Fröiä mi würklich sehr

Miss you

öii Sarah

(Ha di ganz fescht lieb Schwösterhärzli und i bi sehr glücklich, dassi di gaaanz ganz ganz baud wieder cha i Arm nä)

Funny story

Coucou ...

I bi letstens mit s paar "classmates" bim z Mittag ässä gsi und denn het eini vo ihnä ä Story verzeut. Die mussi öich jez unbedingt verzeuä ... E Kollegin isch ire Kommunikationsklass und i derä hei si so Rolläspiiu müessä mache - e Charakter vomnä Fium nachespiele. Und denn het einä vor Klass 3 Mau ganz lut f... you müsse brüälä und das het er denn o gmacht. Und guess what: Es si keni 2 Minute vergange bis d Polizei vor de Klassezimmertür isch gstange. Was los sigi hei si gfragt. D Amis hei ... I has fasch nid chönnä gloubä woni di Gschicht ha ghört. Das isch so typisch fürd Amis. Überau isch d Polizei umä und luegt dass nüt fausch louft ;-) hätti aber nid dänkt, dass sie sogar aagrennt chömä wenn einä lut fluechet. Pas mal, pas mal.

Machets guet und bis ganz gli

Sorry guys

Hoi ihr liebe

I ha scho sooo lang nüt me ufme Blog "posted", i ha eifach überhoupt ke Zit gha - Stress mit Uni, Hausi, und Training. Es tuet mir schrecklich leid! I versueche ab jez chli regumässiger z schriebe, süsch bring das Ganzä nämlich nid würklich viu ;-) lol

Hunted House

Uuuu, ha vori ganz vergässä z schriebe, wasi am eigentlichä Halloweenabe ha gmacht hehe. D' Daniela und i si iz Hunted House gange. Es isch im Prinzip es riesä Huus, wod chasch i chliinä Gruppä inä ga und I bi äbä mit dr Daniela und no 2 angerne (wo mir nid hei kennt) gange. Mir hei ke Ahnig gha was das gnau isch und was üs det erwartet. Z einzigä wo mir gwüsst hei isch dass es z Ziu isch (vo dä Lüt wo döt innä si) , üs aunä Angst z mache. När hei mir dänkt ja chum, mir gö doch döt härä und luege mau was das isch. Chuum si mir im Huus innä gsi, isch aues ganz dunku gsi, mir hei nüt gseh. D Gäng si schmau gsi und überau si Skelett oder süsch gruusigs Züg umeghanget. Das isch ja no easy hei mir dänkt u si mau losgloffä. U plötzlich gumpet irgend so nä Clown vor üs us irgend ämä Sitägang u schreit vou los ... mir si sooo verchlüpft und hei nur no gschreit ;-) hehe. Das isch när ca. 15 Min so witer gange. A jedäm Eggä, du hesch nid gwüsst wenn, isch wieder irgend öpis gruusigs gsi oder es isch öper usegumpet u het dir Angst gmacht ... Und ja, di hingersti Person isch chli shit dran gsi wüu die eim natürlich so lang wies isch gange hingernache si gsecklet ... sie si immer ganz nöch hinger dr hingerstä Person gloffä und hei komischi Grüüsch gmacht u so ... uuuu ... würklich nid so agnähm ... und jez dörfeter 3 Mau rate wär z hingerst isch gsi!? Genau ... I natürlich ;-) hehe. S het niemer z hingerst wöuä sii, denn hani gseit ok, I maches. I bi ja so viu mau verchlüpft ... hehe ... Es isch u lustig gsi und mir si beidi froh gsi, si mir döt härä gange (am Afang hei mir drum nid würklich wöuä ga - si chli schisshäsli gsi) Es isch würklich es u lustigs Erläbnis gsi :-)

Halloween

Hoi ihr liebä

Halloween: Es riese Fest für d Amis :-) Aui vom Tennis si scho 2 bis 3 Wuche vor Halloween ganz nervös gsi u hei scho denn afa überledä was si de denn äch chönntä alegä. Am erstä Turnier wo ds Manne Team het gha, si di meistä vom Women's Team go zueluege, und scho denn isch die wichtigsti Frag gsi: "What r you gonna b for Halloween?" I has fasch nid gloubt wosi mi das gfragt hei. Ha nur müsse lache u gseit hei es geit no lang bis Halloween isch, ha mir doch no nid überleit wasi wirdä alegä ;-) Sie hei gmeint i söu mir de das guet überlegä, dassi de es guets Kostüm finge und so, das sigi wichtig :-) Und ja ... gester, am 31. Oktober, isch Halloween gsi ... wüu mir nid bis denn hei chönnä warte, hei mir üsi Party scho am Samsti vorhär gha. Aui si natürlich paar Tag vorhär scho ganz ufgregt gsi u heis chuum me chönnä abwarte. Jedä het sich verchleidet i muss sägä, i bi o sehr gspannt gsi uf d Kostüm vo dä angere. Z.T. hei si 50 Dollars oder so usgä für ihres Kostüm ... I ha nur dänkt hilfeee, i wot doch nid so viu Gäud usgä für nes Kostüm ... (Lucky me, i ha nes Kostüm für 10 Dollar gfunge) :-) Ha überhoupt nid gwüsst, wie äch de das usgseht und i bi scho chli skeptisch gsi wüu mis "Kostüm" sehr eifach isch und so, aber ja ... Uf jedä Fau isch es ä geniali Party gsi woni so schnäu nid wirdä vergässä. Hie hets natürlich no s paar Fotis wo dir chöit aluege :-)

Have fun u bis gli. See ya

Wake up call

Good morning (oder eher guetä Abe bi öich)

I can't believe what just happened the last 3 days: Every morning at 8.40 I get a phone call (on my cell phone!) from a number I don't know. Two times it was a man and today it was a woman. The guy asked: "Oh Hi, can I talk to August please?" Me: "There is no August, I'm sorry." The second time he called "Is Augaust there?" Me: "No, he isn't! I already told you yesterday that this is not August's number!" And guess what the lady who called today wanted?!? Yeah you're right, she wanted to talk to August ... Oh my God ... Can you believe that??? I can't. It is pretty annoying to get a phone call from people who just ask for August every morning ;-) I wonder if they'll call also tomorrow ... hehe. I don't even know where they have my number from by the way. Strange strange...

Ok...I have to go to school now...See you later

More from the campus

Hey there

How is it going?

I told you that I didn't really took a lot of photos from the campus and I know it's hard for you to imagine how it looks like without photos. Everyone keeps telling me: "Sarah, take pictures from your dorm, the Tennis Team, the campus...We want to know how Cheney is...I have no idea how it looks like there!" I know you had to wait a long time to see some photos so that you can imagine how it is here (I'm really sorry about that!) and you must be all exited to see them. So there you go ... have fun looking at the pictures and don't hesitate to write a comment, I always enjoy reading them!

On the first photo you can see the PUB. But no, it is NOT what you think it is ;-) it's the Pence Union Building and inside of that building there is the caffeteria, some big conference rooms, a cybercafé, rooms where you can study, a lot of sofas and of course the Eagle Bookstore where you can buy books, things for your computer, candy ... yeah just stuff like that.

I really like our campus because the buildings are pretty nice and there are trees and bushes everywhere! The squirrels that are running everywhere all day are very cute too ... Ok, that's it for today ... Take care and ...

... see you soon!

My first Football game: EWU - Montana State

Last saturday I have been to my first football game. I didn't understand too much ;-) but it was sooo funny! It's just funny to watch that sport because all they do is running into each other - well at least this is the impression I had ... It's a big event because there are so many people and there is a lot of food, music, chearleader, etc. Everyone enjoys watching those football games ... But I have to say that I didn't stay there until the end. I just watched the first half and then we all had enough and above all it was getting cold, so we left. I am looking forward for the next football game at EWU, I will go and watch it for sure ;-) So there are some pictures that you can look at ... Have fun

On the first photo you can see the Montana State fans (I had to take a picture of them too you know) and the two buildings in the background are two of the dorms on campus (Pierce and Dressler). The second photo shows some football players just before running into each other ;-) lol ... and on the third one you can see Daniela and me. It really was a funny afternoon and we're all exited to go to next game.

I hope you are having a good time and that everything is going good. I am having a good time here, but I miss you my friends and I'm looking forward to come back home and see you again!

Take care!

EWU Campus

I had a lot of time after my first class today (because I totaly messed up my first "exam" in my computer class) and that's why I decided to take some pictures...

This picture is taken from the library (which you will see on one of following pictures)

This is a fountain on the campus. When you're passing by, you can smell the "chloorig Gschmack vom Wasser" ;-) lol

Here you see the same things as before but from further away. I was standing right in front of the library when I took this picture. The trees have different colors; they are red and yellow ... well just how it is in autumn you know ;-) The ground is covered with leaves, the squirrels are running around ...

And this is the library. It's a big building where a lot of students go to study every day (but not me - I prefer to do my homework in my room). At the moment I just go there to print out the things I need for my classes, but I think this will change pretty soon ...

More pics from the girls

Rachel and a friend

So, jez kennet dir z ganze Team. Mir si im ganze 8

• Kasey
• Marie
• Kirsten
• Amanda
• Elaine
• Rachel
• Judy
• Me ;-)

Aso ja, eigentlich wäre mir z nünt ir Mannschaft, aber d Iliana chunnt nur säutä mit üs cho trainiere, da sie d Nursing Schu macht und die isch in Spokane (30 Minutä vom Campus entfärnt).

Girls from the Team

Judy and Amanda (dosn't play Tennis)

Me, Marie and Kasey

... Home Parties ...

Hey there!

Ha dänkt villich intressierts öich wie di meistä hie so iri Zit verbringe wesi nid ir Schu si...
D Amerikaner festä u gärn, egau öb Friti, Samsti oder o Sunnti. U wenn das noni gnue isch gsi, jaaa denn haut o no dürd Wuche ;-) Drum hei mir scho s paar Home Parties gha und i muss sägä, es isch immer u lustig gsi bis jez. Z bestä dran isch, dass hie fasch immer irgendöpis louft, o dürd Wuche. D.h. am Abe lüte si eifach mau a u frage öbd Lust hesch chli zu ihnä z ga u meistens isch när z ganze Tennis Team mit anderne Kollege döt und es isch eifach genial; mä lernt o immer wieder nöii Lüt kennä. So verbringe d Amerikaner meistens ihre Abe wenn sie nid grad am lernä si ;-)

The dorms

Das Gebäude ufem Foti isch eis vo dä "dorms" hie ufem Campus. I wohnä zwar nid i däm, aber miis gseht glich us. Ha no nid so viu Fotis vor Uni gmacht (u äbä o nid mau vo mim "dorm" - oops) Ha no nid so Zit defür gfunge, aber das chunnt de no. Muss scho bau pressiere wenni s paar Herbstfotis wot mache, sie sägä dass es scho gli chunnt cho schneiä ;-) Aber hüt isch u nä schönä Tag gsi und mir hei ändlich mau richtig warm gha, so 25 Grad hani ghörä sägä. Pas mal ... süsch hei mir nämlich immer rächt chaut gha und i bi scho mit 2 Pullis und mim Schau am umeloufä. Das mache aber lang nid aui; Es git Lüt, die loufä immer no ide churze Hose und im T-Shirt ume (während däm ig scho haub früüre lol).

Ok, wenni scho vo Chleider redä mussi öich öpis verzeuä...Es isch genial wie sich d Lüt hie zum Teil alegä. Ganz angers aus bi üs uf jedä Fau: Vieli Studäntä chömä mit dä Trainerhose und ämnä normale Pulli, ganz im Trainer, mit haubä Badmäntlä (gseht ämu so us wie nä Badmantu;-)) oder sogar im Pyjama (!!!) ad Uni. I meinä wenn mir bi üs ir Schwitz id Schuel/ Uni gö, legä mir z.B. Jeans und e schönä Pulli a oder so ... Mä würdi scho nume komisch agluegt wärdä wemä im Trainer id Schu würd ga ... you know what I mean? I sägä öich, es isch würklich lustig z gseh wie sich d Lüt hie z.T. alegä ;-)

Hey there...

Hoi ihr liebä

I bi jez scho sit s paar Wuche ganz wit wäg vo öich aunä und füere total es angers Läbä aus I bis jez ha gha. Demit dir öich chli chöit vorsteuä wies hie so usgseht, wasi so mache und wies mir geit richti hie dä Blog ii. D.h. we dir grad nid wüsset was mache chömet dir eifach hie härä gmüetlich chli cho läsä u Fotis aluege...

Have fun ;-)